陸 羽 仁 (11/07/2008): 港美背馳紅股止瀉

美股早一日又大插，不過港股企得幾硬，恒指低開244點，見21,499點後，倒升至22,021點，下午略為回軟，收報21,821點，升15點；國企指數升219點，報12,053點，大市成交741億元。期指收報21,850點，跌54點，成交81,069張。

美股杜指上日大跌236點，跌至11,147點，標普500指數跌29點，跌至1244點兩年低位，美股步入熊市的定義是高位跌20%，杜指早前已入熊市，標普500指數上日就跌穿入熊位，正式入埋熊市。

標普500指數的「入熊位」是1252點，上日收1244點，正式進入熊市，從1962年到現在，標普500指數有8次進入熊市，平均指跌幅33%，平均 下跌時間382日。現時標普500指數從去年11月高位跌鰦274日，若今次標普500指數是平均跌幅和跌平均日數，即係要跌多12%，跌到今年10月底 才會到底。當然，這只是平均數，標普指數今次入熊市，跌得多過或少過平均數都唔奇，但這個平均數給大家一個概念，美股步入熊市之後，通常都唔係咁快就到 底。


沽空盤部份食胡

股市一般都唔係直線跌，跌跌纒會反彈，美股連續兩次反彈一日就再急跌，未有一個像樣反彈，按道理超跌後反彈隨時會來。

昨天部份亞洲股市走勢有少少背馳。在美股杜指上日大跌236點的前提下，港股「合理地」都應該跌番500點交纒差，但港股一開市就無跌咁多，最後還要微升 15點，升幅0.1%，其實呢個現象不獨香港係咁，日股微升0.1%、韓股升1.2%、新加坡微跌0.6%，全部唔太跟美股走勢。

中環茶友話，在美股跌200幾點的前提纒，開市時散戶的反應一定係沽，咁邊個鰠呢鱓市道買貨呢？只有兩類人，一係外資大戶，一係內地大戶，但亞洲幾個地區都和美股背馳，唔似內地客買貨，似外資多少少。

茶友話，早前外資大戶係咁沽「六行三保」，昨日有少少止瀉跡象，呢批股份開始有鱓表現，雖然昨日下午升幅收窄，但係主要靠佢地撐住恒指，建行(939)升 2.6%，帶動恒指升30點，另外國壽(2628)升2%、工行(1398)升1%、交行(3328)升1.7%，都有助頂住恒指，不排除部份外資食胡平 淡倉離場，雖然此舉不等如大市即係會升，但表示部份聰明錢已食夠離場。


內地護盤成交大增

昨日講到阿爺開始要頂住個市迎奧運，不過頂鰦兩日，又遇上美股大插，昨日內地股市大幅低開，不過亦有資金積極承接，促使大市早段低開高走，但兩點半後石化 雙雄突然快速下瀉，拖累指數掉頭回落，最後上證綜指失守2900點，收報2875點，跌幅1.5%，深成指報收10178點，跌幅1.7%，兩市成交合共 1,543億元人民幣，比昨日同期稍減69億元。

內地高人話，內地股市早前成交得番600億，但最近呢三日都有1000幾億，買貨盤路積極，阿爺發動人去護盤的姿態都幾明顯，當然亦要睇外圍股市就唔就，杜指跌2%，內地股市回吐1.5%，都叫做頂得纒。

大市回穩，除了六行三保之外，部份早前插得甘的紅色股都大反彈，好似內房股，碧桂園(2007)升9.7%、華潤置地(1109)升5.6%、遠洋地產 (3377)急升5.8%、世房(813)升7.1%、雅居樂(3383)升3.9%、富力(2777)升5.2%，只有中國海外(688)微跌 0.2%。

內地傳出陜西省因發電形勢嚴峻，計劃實行限電措施，咁搞落去唔係辦法，奧運期間無理由全國到處缺電，市場憧憬中央會再畀電力公司上調上網電價，華潤電力 (836)升2.5%、華能(902)升2%，大唐發電(991)及中國電力(2380)分別升4.7%及3.6%。電力股衰鰦咁耐，開始有鱓反彈。

<<轉載自香港經濟日報>>