陸 羽 仁 經 濟 (25/11/2008): 親疏有別

美國政府在香港時間周一下午宣佈同意拯救花旗集團，在亞洲未翻起升浪，但在歐美金融市場卻一石激起千層浪，美元回軟，原油及黃金等商品止跌回升，歐洲股市大幅做好，美股亦連續第二天大幅反彈，杜指升396點，是自1987年以來，連續兩天最大升幅。


杜指昨日開市即顯著上揚，升勢淩勵，越升越有，尾段升至最高位的8,599點才調頭回落，杜指收市報8,443點，上漲397點，升幅4.9%；標普 500報800點，上升52點，升幅6.3%，升幅比杜指多；納指上揚88點或6.3%，報1,472點。杜指30隻成份股除了沃爾瑪(Walmart) 逆市下微跌0.3%，其餘股份全線上揚。


花旗昨天股價狂飆58%，一隻總資產達2萬億美元的股份可以喺一周內暴跌六成，一天之內又飆升近六成，又真係誇張得離譜！在政府干預下，金融市場的風高浪 急，可見一斑。由於花旗集團不單是美國持有資產第二多的銀行，而且業業務涉及超過100個國家，市場公認花旗「大到不能倒下」， 若它破產勢將令已經重傷的美國金融體和系經濟雪上加霜，還可能給全球帶來一場金融浩劫，所以就得到美國政府大力拯救。


由美國財政部、聯儲局及聯邦儲蓄保險公司（FDIC）聯手打造的救援方案，同意擔保花旗銀行包括居民住宅、商用房地產的貸款、有價證券及對沖產品的有毒資 產，總額達3060億美元。另外，政府將在前些時已批核的250億美元之上，再注資200億美元，換取270億美元的優先股，股息8%。同時未經財政部允 許,普通股股息3年內每季度每股不得超過1美仙，現時花旗季息約16美仙。


救花旗方案最慨慷的部份是花旗雖不必變更高層管理人員，只要嚴格限制其薪水。大家要知道，花旗主席係前任財長魯賓，行政總裁係51歲的賓迪 (Pandit)，賓迪本來係大摩的投資銀行家，去年才加入花旗，在去年12月臨危受命做CEO。美國政府早前救房利美、房地美和AIG時，全部要換哂公 司的管理層，但今次卻禮待花旗，如果話賓迪剛上任做CEO責任有限，做咗幾年的主席魯賓恐怕也應該負點責任吧，不過美國政府無郁呢個前財長，此安排就等大 家見識吓乜嘢叫做真正的「親疏有別」，人地係做o既，唔係講o既。


花旗叫美國政府包起3060億美元的債務，花旗只負擔290億美元，如果咁大筆壞資產現在要拿出市場貼現，我粗略估計mark低三成就差唔多，所以以市值 計美國政府貼咗918億美元俾花旗。但美國政府只額外拿70億美元優先股(美國政府注資200億美元拿270億優先股) ，以及拿一批可以10.61美元買入2.54 億股的認股證，我當呢啲價外輪值5美元一份，總共都只係值12.7億美元，即係美國政府拿走83億美元，但係付出咗918億美元的代價(好粗略咁計)。今 次花旗和政府談判的主責人係魯賓，佢唔止同現政府熟，候任政府的高級經濟顧問薩默斯和財長蓋特納過去都跟過魯賓在財政部打過工，係佢o既徒弟，難怪魯賓攞 到咁筍的拯救方案，而雷曼的大猩猩CEO同政府唔friend，就落得咁o既下場，睇完美國政府點救花旗，就知雷曼點解救唔番。


咁o既筍盤自然令花旗集團股價起死回生，昨日狂飆58%，報5.95美元，成為美股升市冠軍，相關的金融類股份亦全線受恵，部份股份更有巨大升幅，美國銀 行（Bank of America）及摩根大通分別勁升 27% to 14.59美元及升21.4% to 27.58美元。


投資者重回股市，部份的避險資金撤出美元，令美元回軟，推動商品及原油價格止跌回升。紐約黃金上漲 3.5%報每安士819.5美元、銀價上升9.4%至每安士10.395美元、而銅價亦上揚5.9% 至每磅1.671美元。紐約原油則大漲9.6%，重上每桶50美元，報每桶54.62美元。礦產類股份及油股大升，Chevron及ExxonMobil 分別上揚6.9%至75.36美元及 4%至78.85美元。兩大能源股將杜指推高近67點。


至於市場的另一焦點，汽車製造業，據傳三大巨頭正努力研究一個如何運用政府資金改善營運的可行方案，以爭取政府的資助，相信重點會集中於收緊管理層的花紅 和薪酬方面。市場憧憬汽業會繼花旗之後的救援對象，通用汽車和褔特汽車均大幅上揚8.9%至3.33美元和7%至1.53美元。


杜指從上周四低位7449點，彈到昨日高位8599點，兩日已急彈1150點。上浪由9653點的高位下墮，跌至低位共跌2204點，過去兩日已反彈了跌幅的52%，再反彈的空間相對有限，9000點大關不易上破。

<<轉載自網誌>>