陸 羽 仁 - 金 融 High Tea (19/11/2008): 港股跌在美股前

外圍股市下跌，加上大企業裁員潮此起彼落的影響，恒指今早低開231點後弱勢持續，下午內地股市跌幅擴大，拖累恒指插水式 下跌，13,000點終告失守，收市報12,846點，大跌694點，跌幅5.1%；國企指數收市報6,513點，跌幅6.5%；全日大市成交448億。 期指收市報12,773點，下跌688點，低水73點。雖然美股上日只係跌二百幾點，但有回試低位之勢，形成雙底受衝擊，走勢上出現告急，近期港股通常跌 得比美股快，故此氣氛明顯轉弱。
恒指成份股全線下跌。高盛話匯控（005）的美國業務前景受信用卡、按揭及其他貸款業務將錄得較高撥備所影響，將礇控旗下礇豐融資09年上半年虧損預測， 由原來13億美元升至40億美元，予匯控「中性」投資評級，並調低目標價由102港元降至77港元。匯控收市跌穿80元，報79元，跌3.6%，論走勢又 係唔靚仔，今個星期初撈「平貨」的投資者，又要開始為是否止蝕腦交戰。

大摩做咗港股淡友

匯豐被質外，中國銀監副主席蔣定之表示，現時銀行業的中長期存貸利率已相當接近，銀行利潤空間不斷收窄，加上出口行業和小企業的金融風險亦在攀升，不良資 產已呈升勢，特別是房產行業回落，房產企業信用風險進一步加劇，住房按揭貸款的違約風險亦加速上升。受消息影響，「三保六行」備受沽壓，中信銀行 （998）跌近一成，而平保（2318） 因要求富通集團就銀行及保險業務分家建議被拒絕而不排除提出訴訟，被大戶洗倉，股價大挫12%，成為跌幅最大的藍籌股。

恒生指數雖然未創十月份新低，但港交所昨日跌到去55元，已經穿咗底，陸羽仁一直認為港交所股價未反映盈利前景轉淡的因素，最近大行開始將焦點移向該股，沽盤係咁插落鈬，好多老散不知就裏以為執平貨，咁就中咗招。

大摩唱淡港交所又應棍，有人話大摩亞洲區主席羅奇做了經機會成員，公司就做咗港股淡友，先前唱淡匯豐，又唱淡樓市，現在又唱淡港股成交，跟住……

近日好多上市公司宣佈裁員，而且粒粒皆星，金融界係重災區，好似匯豐、星展，仲有外資大行的花旗、美銀……等，金融業係今次海嘯重災區，雖然香港不是震央，但被波及都已經好傷，所以銀行瘦身，講得唔好聽係預咗。至於其他大公司好似利豐，都話要裁幾百人，就有點令人意外腬！

利豐（494）突然之間大力收縮，有熟悉公司業務的中環茶友話不覺得意外，因為集團係運作係以跟Project形式，Project完咗無新野做，員工就 要拜拜，但若果睇深一層，利豐經營物流同採購，係美國要做物流同採購，好多時要照顧埋買家的融資，現在全球資金緊縮，信貸風險大增，要為採購或貿易融資， 困難大為增加，控制風險方法就係減少生意規模，就算利豐係大公司，主席做了政府智囊，都無辦法扒逆水。

節流無法推高利豐股價

中環茶友話，今年八月，利豐先用了38.6億元收購以紐約為基地的百貨公司手袋入口商，但跟住幾個月美國市場情況急轉直下，尤其雷曼爆煲，觸發華爾街大災 難，紐約經濟大受衝擊，好彩係利豐係九月份，好醒目咁配售了1.68億股股份給新加坡淡馬錫公司，集資所得剛好夠收購之用，以當時配售價23元計，淡馬錫 大約損失15億元，相當於四成幾投入資金，不過，淡馬錫係新加坡主權基金，或者管理層好欣賞利豐經營物流同供應鏈的手法，買貴多少當交學費都無所謂啦！

一向以來，利豐都係高PE股票，代表市場認為集團可以維持高增長，但今個星期利豐跌到去15倍PE，係少有的低水平，同時息率去到5.3厘，睇落係少有咁 吸引，但不要忘記的是，這些都是過去的數據，今年公司賺幾多無人知，來年更加不敢估，至於派息相信亦要睇生意做成點，這類高增長公司估值一向偏高，當增長 不再，純利倒退外估值亦要下調，變成雙重夾擊，所以雖然股價同一年內高位跌了超過六成，但都無人敢話好抵買。

過往上市公司裁員，股價往往不跌反升，因為通常公司要裁員，梗係營運出了問題，擴張得太快，裁員代表重整架構及業務，減省公司支出，所以對員工來說係壞消 息，對股東來說則會改善營運狀況，但最近上市公司裁員，並無出現股價應聲彈高的現象，代表市場覺得壞消息仲未出盡，公司生意唔掂要減人手，但減人手只係治 標，生意收縮的情況並無改善，股價亦無法因為「壞消息入貨」反彈。

<<轉載自頭條日報>>