陸 羽 仁 經 濟 (13/01/2009): 入股無運行

油價續瀉、市場唔睇好花旗出售所羅門美邦證券予大摩，加上網絡龍頭股亞馬遜和雅虎被調低評級，美股連續第四天下跌。杜指開市即反覆下滑，至中午12:00勉強守住8,500點。午後跌幅擴大，8,500點大關失守，最低曾見8,435點，跌164點。尾市跌幅略為收窄。

杜指收市報8,474點，跌125點或1.5%，全日最高8,603點，最低8,421點；標普500指數報870點，跌20點或2.3%；納指下跌33點或2.1%，報1,539點。紐約證交所成交13.1億股。

杜指在1月2日觸及最高的9,035點，較之去年11月20日大跌市低位7552點，已有20%的反彈幅度。到現在已跌去500點，累積升幅的三份一；而 三大指數亦下破了50天移動平均線的重要關口，若再大插就小心反覆向下。不過杜指走勢圖暫時仍是一個上落市，自去年11月大跌後，踏入12月基本上開始一 個上落市，杜指的低部大約在8300點，頂部稍高於9000點，雖然大市一舉跌穿埋8500點，但只要不穿8300點，就仍然似一個上落市。

不過市場上的確是壞消息陸續有來，本周開始美國公司公布季度業績，自然係無乜好№，美國鋁業第一個上陣，收市後公佈季度業績，錄得六年以來的首次虧損，佢 在公佈業績前已跌定先，下跌6.9%至10.06美元；摩根大通將於週四開市前公佈第四季業績，但其CEO Jamie Dimon昨天出定口術，用「惡劣」來形容即將公佈的公司盈利情況，摩根大通收市下跌4.1%至24.91美元。

湯姆森路透（Thomson-Reuters）話，將公佈的第四季標普500盈利報告會下跌15.1%。其實，應該用崩潰來形容，因為分析家去年7月1日預測該季度盈利增長69%！

金融股係跌市的重災區，主要原因是市場並唔睇好花旗集團出售其最賺錢的所羅門美邦證券業務予摩根士丹利有利。花旗在政府入股後，被逼賣靚資產減債，大摩乘 機食好№，支付花旗集團20至30億美元購買所羅門美邦的51%股權，還有權購買剩下的49%可於未來的3至5年。合併之後，大摩將擁有近2萬名經紀，成 為全美最大的證券商。市場評論認為合併只對大摩有利，而花旗無著數。

花旗去年11月先至講過唔會賣美邦，如今反口，市場擔心花旗賣賣纒無乜幾多好№剩，惡評如潮，股價大瀉17%至5.6美元，前財長魯賓退任花旗高級顧問都 揀飱時候，唔走恐怕俾人媽得更勁；而大摩係得益者只微跌1.4%至18.79美元。美國銀行亦受拖累，下瀉12%至11.43美元。

而家已經睇得好清楚政府入股金融股的後果，自己財困唔掂要政府救者，入股後都係拆骨減債收縮業務收場，從貝爾斯發、房利美，房地美、AIG到花旗，政府放 鰦咁多錢入去，仲俾議員大彈無透明度，唯有大力做№，逼這些公司減縮業務，賣資產減債，咁o既市道，差的資產賣唔到價錢，結果賣得出手的都是好資產，債係 減鰦，間公司都變成半殘廢，政府入股之後真係無運行。雖然唔係好多網友炒美股，但有炒的都要留神，政府入股都只能係短炒博反彈，彈完就要閃，唔無俾間公司 咁大名氣騙鰦，佢已經唔係住日的公司，好似將來講美國銀行，梗係講最大o既摩根大通，唔係再講花旗。

商品價格普遍下跌，黃金最新價報每盎斯報824美元，比收市價下跌31美元。油價反彈浪好快收場，紐約原油大跌8%至每桶37.59美元，令油股受挫，艾 克森美孚(Exxon Mobil)收報76.54美元，下跌1.3%，而雪佛龍(Chevron)下跌2.8%至70.82美元。比較今個月6日最高觸及的50.47美元，油 價已下滑了26%。紐約原油續跌，最新報每桶37.19美元。

研究公司Broadpoint AmTech分析員Tim Boyd用「鬼影都無隻」來形容上周在賭城舉辦的電子消費品展的消費者入場人數，並降低亞馬遜評級至「中性」；Rob Sanderson則因廣告業務會持續下滑，調低雅虎的評級至「沽出」。衰起上來，真係行行都唔掂。

<<轉載自網誌>>