陸 羽 仁 - 金 融 High Tea (06/01/2009): 炒反彈鋪鋪清

美股在09年首個交易日大漲258點，為歷史以來新年首個交易日昇幅第二高。受美股報捷刺激，全球投資氣氛轉趨樂觀，亞太區股市普遍造好。恆指承接上日的 強勁升勢，高開306點，衝上15,427點，之後窄幅橫行；下午由地產股帶動，升幅擴大，恆指收市報15,563點，大升520點，恆指09年首兩天已 升了1,175點或8.2%；國企指數收市報8,677點，勁升363點或4.4%，大市成交回升至494億元。期指收報15,644點，升605 點，比現貨高水81點，成交增至62,948張。

內地股市方面，受外圍市場普漲影響及溫家寶的雙十規劃令市場人氣有所提升，2009年首個交易日迎來開門紅，滬綜指最後報收1,880點，漲3%，深成指 報收6,634點，漲2.3%，兩市成交額共計723億元人民幣，重磅國企股好似中移動 (941)、中海油(883)及中石油(857)成為拉動大市上升主力。

溫總雙十帶

動國企股

溫總日前在山東青島慰問幹部群眾時說，國務院正在制定兩大規劃：一是擴大內需的十條規劃，將去年出台的擴大內需的十條措施進一步具體和豐富；二是十個重要 產業的調整和振興規劃，鋼鐵業和汽車業的規劃已經制定出來，其他規劃正在加緊制定，這些規劃既著眼於解決當前的實際問題，又著眼於產業的長遠發展，成熟一 個，執行一個。市場傳言要振興的行業包括鋼鐵、汽車、造船、石化、輕工、紡織、有色金屬、裝備製造和電子資訊。

受溫總言論刺激，汽車股大受追捧，東風(489)、駿威(203)、華晨(1114)、吉利(175)及長城汽車(2333)急彈9.3%至19%！金屬 及鋼鐵類股亦受惠明顯造好，江銅(358)升8.8%；紫金(2899)升4.8%，洛鉬(3993)升5.6%；馬鋼(323)及鞍鋼(347)升 6.9%及5.5%，中港股市新年暫時沉浸於政府托市消息的愉快氣氛之中。

○九年接連兩個交易日大市炒番高，可以講你唔信佢又升，再唔信佢又升，昨日經紀張打電話來，話個市上星期升咗五、六百點，但成交唔夠，今日好似無力囉噃。 陸羽仁就話，炒反彈市睇成交，有時唔能夠一部通書睇到老，上個星期成交少，主要係假期關係，加上好多散戶短線變咗淡友，好多人手頭無貨沽，所以雖然個市交 投不多，但唔能夠咁快話個市無力，因為新年頭基金重開數簿炒作，無理由兩槍就射曬子彈，所以就算唔追貨，都唔好咁快沽空，果然去到下晝，外資買盤又入市， 再將指數掃高，上晝沽咗期指者，下晝輸多三百點，已經相當無癮。

全球經濟係過去一個星期無力變，但美股升上九千點，港股又重上萬五點，其他歐洲同亞洲股市都造好，可見反彈係全球股市普遍現象。中環茶友提醒，話留意到一個現象，就係踏入○九年，美國長債接連兩個交易日回落，究竟呢個係咪資金流向轉變現象，值得股民留意。

避險意識稍

為降低

去年底，由於全球資產報跌，資金追求避險，大量躲入美債，結果令到美債出現零息，不過債券不同存款，存款收零息，本金係收到保障，但買債券收零息，一旦債 息回升，債券跌價，本金就會輸錢，長債對利息尤其敏感，所以買美國長債，雖然不會血本無歸，但一樣有可能輸錢，新年過後，基金重訂投資策略，美債接連兩日 下跌，是否代表基金經理覺得債券已經太貴，把部份資金由債券調回股市，成為一月反彈的藉口呢？

一月份大市有得炒奧巴馬上台的憧憬，又有得炒基金重新啟動投資，所以不排除月初會造好，但並不代表經濟問題一天都光曬。陸羽仁喺網誌都提到，美國聯儲局成 員、三藩市聯邦儲備銀行主席尤愛倫(JanetYellen)發表演說，話美國經濟正經歷一次急促收縮，失業率註定要上升，經濟面臨嚴峻危險。在未來幾 年，通脹率低於理想水平的機會很大，聯儲局可見將來要堅定地推高通脹，政府要用各種財政政策刺激去阻止衰退。所以無論點都好，全球股市現在仍然係極不穩 定，就算熱錢避險意識略減，都只係短線炒賣居多，並非代表長線策略，假如形勢有變，市況可以急促波動，股民跟風短炒，最緊要係記住鋪鋪清，今次下注無論贏 定輸，都要每注計數。

<<轉載自頭條日報>>